Arquivos mensuais: Febreiro 2019

Eliminación dos pivotes da rúa Valle Inclán por perigosidade para os ciclistas

Marea da Vila solicita que se eliminen os pivotes da rúa Valle Inclán posto que supoñen un perigo para a seguridade dos ciclistas que circulan por este tramo.

Vilagarcía de Arousa, a 27 de febreiro de 2019. Con motivo das obras para probar a posible construción dun carril-bici na rúa Valle Inclán, que conecta Vilaxoán con Vilagarcía pola costa, instaláronse uns pivotes no centro da calzada, separando os dous carrís. Estes pivotes tiñan como obxectivo reservar un dos carrís para ser empregado como carril-bici, namentres que o outro era empregado para o tráfico rodado, alternando o uso nos dous sentidos mediante dun semáforo.

Pasados uns días e comprobada a inviabilidade da idea, procedeuse a desmantelar a instalación. Valoramos positivamente o feito de que se probase a instalación de maneira provisional antes de realizar unha modificación permanente, pero lamentamos que os pivotes separadores dos dous carrís non foran retirados, e agora supoñan un perigo para a circulación de bicicletas. Seguir lendo Eliminación dos pivotes da rúa Valle Inclán por perigosidade para os ciclistas

Alegacións presentadas ó plan de transporte do Salnés

Marea da Vila presenta as seguintes alegacions ao proxecto de explotación de servizos públicos de transporte regular de viaxeiros de uso xeral por estrada de clave XG-627 Norte da comarca do Salnés e termo municipal de Catoira

Vilagarcía, a 25 de Febreiro de 2019

O pasado 31 de xaneiro de 2019, a Dirección Xeral de Mobilidade emitiu unha resolucións pola que se somete a información pública ao abeiro do apartado 1 do artigo 75 da Lei 2/2017, do 8 de febreiro, de Medidas Fiscais, Administrativas e de Ordenación. Mediante o presente escrito expóñense alegacións ás correspondentes á clave XG-627 Norte da comarca do Salnés e termo municipal de Catoira. Seguir lendo Alegacións presentadas ó plan de transporte do Salnés

Vilas para vivilas: construír comunidade, recuperar a identidade

Este venres 22 de febreiro tivo lugar o acto “Vilas para vivilas: construír comunidade, recuperar a identidade”. No mesmo interviron a deputada no Parlamento Galego Ángela Rodríguez, a Concelleira da cidade da Coruña María García, a número 2 de Marea da Vila Andrea Obenza, e a candidata á alcaldía por Marea da Vila, María de la O Fernández González. Seguir lendo Vilas para vivilas: construír comunidade, recuperar a identidade

Visita do deputado no Parlamento Galego Marcos Cal e da candidata á alcaldía María de la O Fernández González ás instalacións do E.D.A.R.

Vilagarcía de Arousa, a 20 de febreiro de 2019. O deputado no Parlamento Galego, Marcos Cal, e a candidata á alcaldía, María de la O Fernández González, estiveron visitando as instalacións da E.D.A.R , xunto á número dous, Andrea Obenza, e ao número tres, Lucas Medas, e outros membros de Marea da Vila.

Segundo palabras de María de la O “cabe recordar que a depuradora foi construída nos anos 80 e pensada para unha poboación de 30.000 habitantes, cifra que Vilagarcía superou hai xa tempo. Urxe unha ampliación para evitar as frecuentes verteduras que prexudican a calidade de vida da veciñanza de Vilaxoán, para elo necesitamos un concello que traballe para que a Consellería cumpra cos compromisos anunciados no 2013. “ Seguir lendo Visita do deputado no Parlamento Galego Marcos Cal e da candidata á alcaldía María de la O Fernández González ás instalacións do E.D.A.R.

Marea da Vila amosa a súa preocupación polo Plan de Transporte da Xunta e as posibles consecuencias para o tráfico no centro

Dende Marea da Vila manifestamos a nosa preocupación polo Plan de Transporte da Xunta e as consecuencias para o tráfico no centro urbano e pola situación á que condena á actual estación de autobuses, xa hoxe en día infrautilizada.

A través dunha moción aprobada no pleno o pasado ano, Marea da Vila foi a primeira en poñer o foco na necesidade de que os concellos da comarca se coordinaran para conseguir que o novo Plan de Transporte da Xunta se convertese realmente nunha ferramenta de vertebración da comarca, para o que é imprescindible que inclúa as distintas realidades de cada concello. Unha vez coñecido o mesmo, é claro que a Xunta actúa de costas aos concellos, posto que os criterios cos que se elaborou o plan non parecen ter en conta as necesidades dos mesmos. Seguir lendo Marea da Vila amosa a súa preocupación polo Plan de Transporte da Xunta e as posibles consecuencias para o tráfico no centro

Marea da Vila amosa a súa satisfacción porque por fin o desembolso do pacto de estado chegue aos concellos e rexistra unha serie de preguntas ao concello sobre a súa execución.

Dende Marea da Vila amosamos satisfacción polo feito de que por fin se distribúan os fondos correspondentes aos concellos no que se refire ao Pacto de Estado contra a Violencia de Xénero, aínda que sabemos que eses 23.530,35 € destinados a Vilagarcía son insuficientes con todo o que temos por facer para acabar con esta lacra que só no mes de xaneiro asasinou a 9 mulleres, e que converte nun inferno a vida de tantas outras.

As persoas que formamos Marea da Vila pensamos que o noso concello ten o deber de reafirmar o compromiso coa loita contra as violencias machistas, non só con medidas de visibilización, senón con medidas estruturais que transformen a nosa sociedade. Por elo, imos rexistrar unha serie de preguntas ao goberno co fin de coñecer as liñas de investimento e os tempos que se marca, posto que teñen un prazo límite de execución do 30 de xuño. Seguir lendo Marea da Vila amosa a súa satisfacción porque por fin o desembolso do pacto de estado chegue aos concellos e rexistra unha serie de preguntas ao concello sobre a súa execución.

Marea da Vila insiste na necesidade dun compromiso real para solucionar os problemas de verteduras e a consecuente contaminación das augas municipais

Marea de Vila denuncia a pasividade do goberno con respecto aos frecuentes problemas de verteduras ás nosas augas e pregúntase se se están a realizar xestións para que a Consellería de Medio Ambiente asuma o compromiso anunciado en 2013 dun investimento millonario para sanear e eliminar os problemas de verteduras no noso concello. Seguir lendo Marea da Vila insiste na necesidade dun compromiso real para solucionar os problemas de verteduras e a consecuente contaminación das augas municipais