Programa de mantemento das parroquias e barrios “Todas as mans”

Imaxe do Marea da Vila Escoita nunha xuntanza en Cornazo

Motivación

Unha das queixas máis recorrentes é que os distintos gobernos de Vilagarcía acostuman facer políticas enfocadas no centro urbano mentres se descoidan ás parroquias e os barrios. Dende Marea da Vila cremos necesario implantar ferramentas que axuden a corrixir esta desigualdade histórica para acadar unha Vila na que todas as persoas poidamos desfrutar de servizos óptimos e dun entorno accesible e cómodo para as nosas vidas. Para elo, non basta con realizar as inversións necesarias, senón que hai que completalas co mantemento que garanta que esas inversións teñan efecto no tempo. Ninguén mellor que a veciñanza para detectar as necesidades nese senso, pero á vez tampouco debemos facer políticas a golpe de queixa, senón traballar para prever o deterioro debido ao uso e o tempo. É preciso estruturar o coidado da nosa Vila e facer partícipe ás persoas que a habitamos, implicándoas e creando a conciencia de que o futuro de Vilagarcía está nas nosas mans, e que a relación que establecemos co lugar no que vivimos, ten repercusións no mesmo. Seguir lendo Programa de mantemento das parroquias e barrios “Todas as mans”

PROPOSTA PARA A CREACIÓN DUN CONSELLO DA MEMORIA DEMOCRÁTICA MUNICIPAL

Exposición de motivos

A transición democrática foi un período de avances importantes pero non trouxo consigo a obrigada reparación e recoñecemento da memoria das vítimas do Franquismo. Para corrixir isto, no 2007 aprobouse a Lei de Memoria Histórica, cuxo cumprimento está a levarse a cabo de maneira desigual, debido a distintas razóns, entre elas a falta de orzamento durante algunha das últimas lexislaturas.
A pesar de ser unha lei de competencia estatal, a Lei de Memoria Histórica precisa do acompañamento doutras institucións para a súa aplicación integral. No caso de Vilagarcía, aínda persisten símbolos do Franquismo en recoñecidos espazos públicos (como a cruz de grandes dimensións que preside a Igrexa Parroquial e na que se homenaxea aos membros do bando nacional e a José Antonio Primo de Rivera) ademais de que nomes de figuras da ditadura continúan a formar parte do noso rueiro. Co fin de avanzar no cumprimento da lei, durante este mandato constituíuse unha comisión de seguimento, da que forman parte os distintos partidos con representación municipal, que acordou a necesidade de modificar o rueiro. Esta tarefa decidiuse realizar con unha asistencia técnica privada con ningún resultado polo de agora posto que o seu contrato non se ultimou ate o pasado mes de febreiro. Seguir lendo PROPOSTA PARA A CREACIÓN DUN CONSELLO DA MEMORIA DEMOCRÁTICA MUNICIPAL

Marea da Vila propón ao resto de forzas políticas facer unha fronte común para reclamar que a Xunta cumpra co investimento en saneamento ao que se comprometeu no 2013

Vilagarcía de Arousa, a 05 de abril de 2019. Acabamos de coñecer un novo episodio relacionado coa rede de saneamento de Vilagarcía, ademais doutra das frecuentes verteduras ao Río de Con. Dende Marea da Vila consideramos que este problema debería ser prioritario na axenda política vilagarciá, por iso levamos presentando distintas iniciativas ao Parlamento de Galicia, ademais de preguntas e comunicados nesa mesma liña. O problema do saneamento e da EDAR de Vilagarcía só se resolverá cando a Xunta asuma o investimento comprometido no 2013 co anterior alcalde Tomás Fole, ou os 9 millóns que cifrou á baixa no 2016 e cos que se comprometeu co actual goberno socialista. Pero vemos pasar os anos, e nada sabemos desas inversións. Seguir lendo Marea da Vila propón ao resto de forzas políticas facer unha fronte común para reclamar que a Xunta cumpra co investimento en saneamento ao que se comprometeu no 2013

Marea da Vila considera o traslado de distintas pezas do Museo Ferroviario de Padrón fora de Galicia como un agravio comparativo tras a negativa ao traslado da Sarita a Vilagarcía

Hai uns meses os medios de comunicación anunciaron o traslado da locomotora Sestao, ata agora no Museo Ferroviario da Fundación Camilo José Cela, para incorporarse ao Museo do Ferrocarril de Ponferrada. A semana pasada coñecemos que un vagón de mercancías, tamén cedido a dita fundación, foi trasladado dende a mesma a La Fregeneda, en Salamanca.

Dende Marea da Vila manifestamos a nosa sorpresa polo traslado fora de Galicia destas dúas pezas pertencentes á Fundación de Ferrocarrís, cando o ano pasado dende esta mesma entidade reiteraban a negativa da Xunta respecto da cesión a Vilagarcía da locomotora Sarita «Lo cierto es que nunca se ha dado el caso de que se le retire un bien a la entidad a la que se le haya cedido» foron as palabras de Miguel Jiménez, xerente do departamento de Patrimonio Histórico e Turismo Ferroviario. Pois ben, isto último, á vista de acontecementos recentes, parece non ser exactamente así. Seguir lendo Marea da Vila considera o traslado de distintas pezas do Museo Ferroviario de Padrón fora de Galicia como un agravio comparativo tras a negativa ao traslado da Sarita a Vilagarcía

Marea da Vila pregunta no Parlamento Galego sobre o compromiso de investimento para o saneamento e a EDAR de Vilagarcía

O deputado Marcos Cal trasladará ao Parlamento Galego, a petición de Marea da Vila, unha serie de preguntas encamiñadas a coñecer os plans da Xunta respecto aos compromisos adquiridos no 2016 para corrixir os problemas da rede de saneamento e da EDAR (estación depuradora de augas residuais).

No 2016, segundo a publicación no Diario Oficial de Galicia respecto ao Plan Hidrolóxico de Galicia, a Xunta tiña prevista unha inversión na redes de saneamento e depuración do Concello de Vilagarcía de 9.066.966 euros para o período comprendido entre 2016-2021, estimando á baixa o compromiso de 11 millóns de euros adquirido en 2013 polo conselleiro de política territorial Agustín Hernández co anterior alcalde Tomás Fole, compromiso que nunca chegou a levarse a cabo. Seguir lendo Marea da Vila pregunta no Parlamento Galego sobre o compromiso de investimento para o saneamento e a EDAR de Vilagarcía

Marea da Vila propón iniciar un proceso de transición enerxética para aforrar mediante enerxías renovables

Marea da Vila propón afrontar unha transición enerxética na vila. Todos coñecemos os efectos do consumo de combustibles fósiles para o medio ambiente. Tamén coñecemos as nefastas consecuencias económicas e, sobre todo, para a nosa saúde.

Unha das ideas erróneas máis difundidas sobre as enerxías renovables é que son máis caras que as convencionais e que precisan de subvencións para que sexan viables. Hai anos que as instalacións renovables son moi rendibles, permitindo un aforro importante dende o primeiro día na maioría dos casos.

Seguir lendo Marea da Vila propón iniciar un proceso de transición enerxética para aforrar mediante enerxías renovables

Apoiamos a reclamación dos pais usuarios de UDIAF na súa demanda de instalacións axeitadas

Marea da Vila solicita a asignación de instalacións axeitadas e estables para o servizo de Asociación Gallega de Atención Temprana, a través de UDIAF.

Vilagarcía de Arousa, a 22 de Marzo de 2019.

Pais de crianzas usuarios do servizo UDIAF-Salnés, que se presta no edificio do centro social comunitario da avenida Rosalía de Castro, nos fixeron saber que non consta dunhas instalacións axeitadas, polo que veñen de presentar unha solicitude no contello.

UDIAF (Unidade de Desenvolvemento Infantil e Apoio Familiar) da asistencia integral a nenos entre 0 e 6 anos con problemas ou situación de risco para o seu desenvolvemento. É un servizo prestado pola Asociación Gallega de Atención Temprana e xestionado pola Xunta de Galicia en locais cedidos polo concello de Vilagarcía no devandito Centro Sociocomunitario. Se da atención a crianzas con problemas sensoriais, da fala, cognitivos, motrices e outros; e con síndromes coma Rett, Down, Fetofetal, Alcohólico fetal, Autismo, Proder Willi, entre outros moitos. Seguir lendo Apoiamos a reclamación dos pais usuarios de UDIAF na súa demanda de instalacións axeitadas

Reunión co Arousa moza e usuarios do SkatePark

Marea da Vila reúnese cos usuarios do skatepark e coa asociación xuvenil Arousa moza para recoller as súas demandas

Vilagarcía, a 22 de marzo de 2019. As zonas de skatepark de Vilagarcía atópanse abandonadas polo concello. Os usuarios quéixanse pola falta de limpeza da zona do Centenario así como polas pésimas condicións das instalacións, algo que xa provocou accidentes entre os usuarios. Entre as demandas que nos achegan está a da optimización do espazo, a necesidade de ampliar o concepto e buscar tamén unha zona para os que fan parkour. “A día de hoxe non teñen instalacións adaptadas. Pódelos ver no skatepark un día, na Praza de Galicia outras veces… hai que responder ás súas necesidades pero xa por unha cuestión de seguridade” di María de la O, candidata á alcaldía por Marea da Vila. “Reunímonos cos usuarios e faláronnos da atención que os de maior idade lle prestan aos máis pequenos, aos que normalmente axudan a evitar as zonas perigosas. Pero, como nos dixeron, cando non están os maiores, é un perigo.” di María de la O, candidata de Marea da Vila. Seguir lendo Reunión co Arousa moza e usuarios do SkatePark